SERİ FANLI TERMİNAL QURĞUSU FDC
FDC
Əsas qurğu, şərtləndirilmiş (ilkin) hava girişində motorlu damper, axın sensoru, motorlu ventilyator və müvafiq idarəetmə avadanlıqlarından ibarətdir. Aksesuar olaraq; isitmə qurğuları (sulu və ya elektrik tipli), filtr, giriş və/və ya çıxışda istifadə edilə bilən səsboğucular təmin edilə bilər.
İşləmə prinsipi
Termostatdan alınan siqnalın vəziyyətinə görə idarəetmə cihazı şərtləndirilmiş (ilkin) havanın girişi üzərindəki damper motoruna siqnal ötürür və bu siqnal ilə, hərəkətverici motor damperin açılma mövqeyini dəyişdirərək lazımi miqdarda soyutma havasının qurğuya daxil olmasını təmin edir. Qurğu daxilindəki ventilyator bir miqdar soyutma havası ilə məkandan asma tavan daxilinə alınan, oradan qurğuya sorulan ilıq geri dönən havanı qarışdırıb difüzorlar vasitəsilə məkana ötürür. Soyutma (ilkin) havasının artma-azalma nisbətinə görə geri dönən (resirkulyasiya) havanın nisbəti də tərs mütənasib olaraq dəyişir və ventilyator həmişə sabit axınla işləyir. Məkanın isitmə ehtiyacı artdıqda ilkin hava miqdarı minimuma enir və bir müddət sonra isitmə sistemi işə düşür. Nəticə etibarı ilə mərkəzi sistem dəyişən axın təmin edərkən, terminal qurğu müvafiq məkana həmişə sabit hava axını təmin edir.
Ümumi Tətbiqlər
İsitmə və soyutma ehtiyacının zamanla çox dəyişə biləcəyi, məkanların boş olduğu zamanlarda mərkəzi sistemin bağlanması və ya temperaturun müəyyən bir dəyərdə saxlanılması istənilən xarici zonalarda. Mərkəzi sistemdə iqtisadi istismar tələb olunduğu hallarda və ən əsası məkanda sabit axında hava axını ehtiyacı olan və homogen hava paylanması ilə rahatlığın vacib olduğu məkanlarda istifadə olunur.
